unique visitors counter
Published On: Sat, Sep 24th, 2016

உருளைக்கிழங்கு குலாப் ஜாமூன் செய்வது எப்படி

0

குலாப் ஜாமூன் வீட்டில் செய்வது மிகவும் எளிமையானது. உருளைக்கிழங்கை வைத்து குலாப் ஜாமூன் செய்வது எப்படி என்று பார்க்கலாம்.

தேவையான பொருட்கள் :

உருளைக்கிழங்கு – 1 கப் (வேக வைத்து பிசைந்தது)
மைதா – 3 மேஜைக்கரண்டி
பேக்கிங் சோடா – 1 சிட்டிகை
எண்ணெய்/நெய் – பொரிக்க

சிரப்புக்கு :

சீனி – 2 கப்
நீர் – 1 கப்
ரோஸ் வாட்டர் – சில துளிகள்
குங்குமப் பூ – 1 சிட்டிகை (தேவைப்பட்டால்)

செய்முறை :

* உருளைக் கிழங்கை வேக வைத்து தோல் உரித்து துருவிக் கொள்ளவும்.

* ஒரு பாத்திரத்தில் துருவிய உருளைக்கிழங்கு, மைதாமாவு, பேக்கிங் சோடா சேர்த்து நன்கு பிசைந்து கொள்ளவும்

* பின்பு அதனை சிறு சிறு உருண்டைகளாக உருட்டிக் கொள்ளவும்

* அடி கனமாக ஒரு பாத்திரத்தில் அடுப்பில் வைத்து சர்க்கரையை போட்டு நீர் சேர்த்து 5 நிமிடம் கொதிக்க வைக்கவும். பின்பு அதனுடன் சில துளிகள் ரோஸ் வாட்டர், குங்குமப்பூ சேர்த்து அதனை தனியே வைக்கவும்.

* கடாயை அடுப்பில் வைத்து நெய் அல்லது எண்ணெய் ஊற்றி சூடானதும் மிதமான தீயில் வைத்து உருட்டி வைத்துள்ள உருண்டைகளை போட்டு பொன்னிறமாக பொரித்தெடுக்கவும்.

* பொரித்த உருண்டைகளை சூடான சிரப்பில் போட்டு சில மணிநேரங்கள் ஊற வைத்த பின் பரிமாறவும்.

* சூப்பரான உருளைக்கிழங்கு குலாப் ஜாமூன் ரெடி.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>