unique visitors counter
Published On: Fri, Nov 11th, 2016

செவ்வாய் கிரகத்தில் பல வர்ணங்களில் புனல் வடிவம்

punal

பூமியில் இருந்து சுமார் 22 கோடி கிலோ மீட்டர் தொலைவில் உள்ள செவ்வாய் கிரகத்தை பற்றிய ஆராய்ச்சியில் அமெரிக்கா, ரஷியா, இந்தியா, சீனா உள்ளிட்ட பல்வேறு நாடுகள் மும்முரமாக ஈடுபட்டு உள்ளன.

அமெரிக்க விண்வெளி ஆராய்ச்சி அமைப்பான ‘நாசா’, செவ்வாய் கிரகத்தில் கியூரியாசிட்டி என்ற விண்கலத்தை இறக்கி உள்ளது. இவ்வாறு அனுப்பி வைக்கப்பட்டிருந்த நிலையில் 2012ம் ஆண்டு ஆகஸ்ட் மாதம் அவ் விண்கலம் செவ்வாயில் தரையிறங்கியது.

கியூரியாசிட்டி விண்கலம் இதுவரை 13.5 கிலோ மீட்டர்கள் தூரம் பயணித்துள்ளது. சுமார் 128,000 புகைப்படங்களையும் பூமிக்கு அனுப்பி வைத்துள்ளது.

கியூரியோசிட்டி ரோவர் விண்கலமானது செவ்வாய் கிரகத்தினை சல்லடை போட்டு ஆராய்ச்சி செய்து வருகின்றது.

இந் நிலையில் தற்போது விசித்திரமான புனல் வடிவம் ஒன்று கண்டுபிடிக்கப்பட்டுள்ளது.

சுமார் ஒரு கிலோ மீட்டர் விட்டம் கொண்ட இவ் வடிவமானது பல வர்ணங்களைக் கொண்டதாகக் காணப்படுகின்றது.

அப் பகுதியில் நீர், வெப்பம் மற்றும் விட்டமின்கள் ஒன்றிணைந்து காணப்படுவதனாலேயே அப் பகுதி பல வர்ணங்களில் தென்படுவதாக விஞ்ஞானிகள் கருதுகின்றனர்.

இதற்கிடையில் ஐஸ்லாந்து மற்றும் கிரீன்லாந்து பகுதியில் எரிமலைக்குழம்புகள் பனிக்கட்டிகளுடன் இணைந்ததனால் இவ்வாறானதொரு தோற்றம் உண்டாகியிருந்ததாகவும், இதேபோன்ற செயற்பாடு செவ்வாய் கிரகத்தில் ஏற்பட்டிருக்கலாம் எனவும் தெரிவிக்கப்பட்டுள்ளது.

செவ்வாய் கிரகத்தில் காணப்படும் இவ் வடிவம் விஞ்ஞானிகளால் ஹெல்லாஸ் பிளாண்டியா எனப் பெயரிடப்பட்டிருக்கும் பகுதியில் உள்ள பள்ளத்தாக்கு ஒன்றில் காணப்படுவதாக அவர்கள் குறிப்பிட்டுள்ளனர்.

About the Author

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>